湊仔學堂｜小朋友問題多多不停問「點解」？3招助家長溫柔應對孩子提問
為甚麼小朋友會不停問「點解？」
在育兒日常中，幾乎每位家長都經歷過這種「折磨」： 「媽咪，我依家食唔食得雪糕呀？」 「唔得呀，食完晚飯先。」 「咁我食一啖得唔得？」 「唔得。」 「就一小啖，好唔好？」 「唔得。」 「點解唔得呀？咁我食半啖呢？」，讓父母從耐心解釋迅速走向情緒失控。
重複問或者反覆確認是幼兒心理發展的必然階段，幼童的前額葉皮質還未發育成熟，面對父母拒絕時所產生的挫敗感會讓他們覺得焦慮，因而重複提問，宣洩和尋求安全感。發展心理學家 Jean Piaget的「認知發展理論」（Cognitive Development Theory）指出，2-7歲的幼童處於「前運算階段」（Preoperational Stage），小朋友透過反覆試驗與環境互動來建立對世界的「圖式」（Schema），協助他們建構因果思維，驗證客觀規矩是不是恆常不變的認知過程。
3招助家長溫柔應對孩子重複提問
家長溫柔應對孩子重複提問策略1｜使用「唱片跳針法」
心理學家建議不必長篇大論, 因為小朋友會很難從父母的解釋中提取到有用資訊，甚至會誤解家長的反應，因此只須用極之簡短、平實且溫和的語調重複同一句話，不加入任何新解釋或者情緒，減少家長不必要的爭辯與強化。
例如：
小朋友：「我想玩Ipad！」
家長：「唔得，今日係無屏幕日。」
小朋友：「玩五分鐘啫！」
家長：「唔得，今日係無屏幕日。」（一直重複相同的說話，保持平靜）
家長溫柔應對孩子重複提問策略2｜肯定情緒，堅守界線
幼兒重複提問往往是因為覺得自己的需求被否定，家長必須先接納孩子的負面情緒，表達同理心，再講清楚規矩，最後給予選擇權、替代選項，才可以有效降低他們的防禦心理。例如:「我知道你真係好想食糖，糖的確好好食（接納）。但依家要食晏晝飯喇，所以依家唔得（界線）。你想喺食完飯之後食一粒蘋果，定係食一小塊提子乾？（給予控制感）」
家長溫柔應對孩子重複提問策略3｜視覺化提示
對於工作記憶較弱的小朋友及抽象思維未發育的幼童，「聽覺資訊」很容易左耳入右耳出，而「視覺資訊」就更有約束力。另外，研究表明視覺提示可以有效減輕工作記憶負荷，也可改善 ADHD 及神經多樣性兒童的焦慮同重複行為。
家長可使用倒數計時器、日程板或者簡單的「紅綠燈」圖示。例如當小朋友不停問「幾時去公園」的時候，可指著日程表上面的圖片說：「你睇，食完下午茶（圖片）之後，就係公園時間（圖片）喇。」
.jpg)
家長如何可以平靜應對孩子的不斷提問？
1. 反問法
有時候小朋友只是出於習慣或者衝動而不停重複問題，家長過度回應反而會強化這種行為，可嘗試將問題拋回給小朋友，引導他們使用自己的工作記憶。
例如：
小朋友：「我哋買唔買得呢個玩具呀？」
家長：「BB, 關於呢個問題，媽咪頭先係點答你嘅？」
小朋友：「你話唔得……」
家長：「啱喇，你記性真係好。」，隨後保持沉默或者轉開注意力
2. 保持一致性
家長的平靜才是幫小朋友情緒止血的靈丹妙藥，這時候可以深呼吸與自我暗示，開口前深呼吸三次，心裡告訴自己：「佢唔係喺度挑戰我，佢只係個大腦仲未發育好。」，且避免陷入「辯論陷阱」，解釋一次原因就夠，反覆解釋會讓小朋友誤以為「規矩係可以傾掂數嘅」。
最後保持一致性是關鍵：如果小朋友透過第20次追問最終得到同意，他們就會學會「只要問夠咁多次，『唔得』就會變咗『得』」。堅守底線雖然短期內會好辛苦，但長遠來看才能給到小朋友最大的安全感。
