減肥唔捱餓|紅菜頭煲素湯
日期：2021-04-16
我的瘦身格言：「減肥唔捱餓．食得要聰明」。
減肥 = 餐餐白烚雞胸肉，戒絕澱粉質，食之無味，一定要捱餓，唔可以同朋友食飯？
No！No！No！這樣只會搞到大家無人生、無恆心！我提倡「減肥唔捱餓」，品嘗美食是我生活中一大樂事，想將減肥這項終身事業進行到底，就要將它變成樂事，識得「揀飲擇食」！
「揀飲擇食」不是偏食，而是「食得聰明」，在眾多食物選擇中，有意識地揀選營養豐富又美味的食物，再避開增磅地雷，例如懂得攝取哪些優質營養、補充充足水分、避開加工食物等等。然後你會發現，有利體重管理的食物原來一點都不沉悶，也可以非常多姿多彩喔。
假期過後，是否正為放假時暴飲暴食懊惱不已？不妨用紅菜頭煲素湯清清腸胃，收排毒、去水腫功效，連湯渣一齊食，更可以當作飽肚瘦身代餐。
紅菜頭含有豐富的營養成分，其中天然抗氧化劑甜菜紅素，有助修復細胞、美顏抗衰老；鉀質有降血壓、排鈉去水腫功效；而水溶性纖維則有助排走壞膽固醇、暢便排毒之餘，更能增加飽肚感，加上低熱量（100克只有43kcal），非常適合瘦身中食用。
紅菜頭粟米紅蘿蔔素湯
份量：約6碗
材料：紅菜頭半個、粟米1條、紅蘿蔔1條、蘋果（蛇果）3個、金絲蜜棗3粒、南北杏20克、陳年陳皮1角
製法：
1）紅菜頭及紅蘿蔔洗淨，去皮切件。
2）蘋果洗淨，去皮去芯切件。
3）粟米洗淨切件。
4）蜜棗、陳皮、南北杏沖洗乾淨。
5）將所有材料放入約3公升凍水，加蓋大火滾起15分鐘，轉中火煲1小時，熄火。
Yoko智識型提示
．紅菜頭汁容易令雙手染紅，可先戴上手套才處理；如雙手沾上紅菜頭汁洗不掉，亦可用檸檬汁洗手去色。
注意：腎病患者或血壓低人士不宜食用紅菜頭。進食紅菜頭後，大小便或會變紅，是由天然色素甜菜紅素所致，屬正常現象。
爭妍鬥麗：Yoko Tsang/著名美容及食療作家
至Hit相關文章
